MATAHUM NGA MENSAHE GIPADANGAT NI SDS DELA PEÑA NGADTO NI GOBERNADOR BAMBI EMANO By: REYMARK SEMAÑA/PIO

Posted: September 14, 2021

241844491_931249144152771_880472296060764112_n

“You are the air that we need to breath, the river of life inside of us”- tipik lamang kini sa pamahayag ni Misamis Oriental Schools Division Superintendent Dr. Jonathan Dela Peña ngadto ni gobernador Bambi Emano sa gipahigayon nga culminating activity sa Brigada Eskwela niadtong Lunes, Septiyembre 6, 2021 sa Patrocinio National High School, lunsod sa Claveria.

Kini alang sa hugot nga suporta sa amahan sa lalawigan ngadto kanila sa Department of Education-Division of Misamis Oriental pinaagi sa mga programa ug proyekto nga iyang gipatuman sa mga tunghaan sa tinguha nga mapalambo ang sektor sa edukasyon sa lalawigan.

Unod sa iyang mensahe ang iyang pagpasalamat ngadto sa amahan sa lalawigan tungod sa iyang presensya sa panahon sila nanginahanglan sa iyang tabang ug suporta.

“You are the anchor of our soul, cause you are strong when we are weak, you are the words when we can’t speak, you never failed to see us through, that’s the love we found in you”- sumpay sa mensahe ni SDS Dela Peña.

Dako ang nahimong kalambuan sa edukasyon sa lalawigan sa higayon nga mipungko si gobernador Bambi Emani isip amahan sa lalawigan tungod kay daan pa lang nga iyang prayoridad ang mahatagan og bili ang pagtungha sa mga kabataan.