GITANYAG ni Gov. Peter ‘Sr. Pedro’ M. Unabia ang mga kalampusan sulod sa iyang administrasyon atol sa State of the Province Address (SOPA) sa Brgy. Poblacion, Sugbongcogon. Naglakip kini sa sektor sa edukasyon, panginabuhian, agrikultura, turismo, panglawas ug imprastraktura. “Education is the greatest equalizer sa pagpakgang sa kapobrehon.” Kini ang mensahe sa amahan sa lalawigan nga nagpunting sa pagbaton og kalidad nga edukasyon.
Gibutyag usab niya nga ang paghatag oportunidad sa panginabuhian sa katawhan sumbanan nga makubsan ang kawad-on sa lalawigan lakip na ang paghatag prayoridad sa mga mag-uuma ug mangingisda. Tungod sa gipahimutang nga tourism projects, dunay taas nga ihap sa tourist arrival. Samtang sa panglawas, gipasigarbo ni Gov. Unabia ang Smile for Hope Program, Serbisyong Paglaum, Medical Consultations, Health Assistance, ug uban pa. Lakip gitanyag ni Gov. Unabia ang gipatukod nga mga classroom buildings, multi-purpose buildings, storage facilities, Child Development Centers, Brgy. Health Centers, Covered Courts ug uban pa.
Mihatag usab mensahe sila si SP Board Member Atty. Michele Anayron, BM Rey Buhisan, BM Marlon Kho, BM Jabi Bernaldez, ug Gingoog City Councilor Roy Aniscal. Samtang misaksi sila si Provincial Tourism Council Co-Chairperson Ms. Erlinda Unabia,PESO Head Jerome Mundo, PHO Head Dr. Ted Yu Jr., Sugbongcogon Vice Mayor Ivan Chester Lagbas, ug uban pa.
Kabahin kini sa tinguhang makubsan ang kalisod sa probinsya kon SDPI program ug tanang letra sa PAGLAUM Development Agenda.
By: Asthea Torrecampo/PIO
Hulagway kuha ni: Meltheresa Ruales/PIO w/PIO Interns Edlyn Macahig & Riza Mae Abo-Abo