MGA MAGTUTUDLO MALIPAYON NGA MIDAWAT SA RESEARCH INCENTIVES ATOL SA 14TH ARAW NG PARANGAL MALAMPUSON ang 14th Araw ng parangal sa mga guro sa tibuok Misamis Oriental nga gipahigayon uban sa tumong nga ilhon nag ilahang kadasig ug kabililhon nga Serbisyo sa Edukasyon. Ang maong seremonya mitigom sa mga Outstandng teachers, School Heads gikan sa nagka lain-laing lungsod ug syudad sa tibuok Misamis Oriental. Gihatagan sila og pasidungog pinaagi sa mga Awards, Certificates of recogniton alang sa padayon nga pagpaningkamot sa pagpauswag sa kalidad sa Edukasyon.

Gipaabot ni Governor Juliette Uy ang iyang mensahe pinaagi ni Board Member Princess Emano ang iyang dakong pasalamat sa tanan magtudtudlo nga nagpakabana sa mga kabatan-onan bisan paman sa daghang hagit nga giatubang-lakip na ang kakulangon sa materyales , kahimtang sa mga skwelahan ug uban pa. Dako ang pasalamat ni School Division Superintendent Co-Chairman, Deped Misor Mr. Edilberto Oplenaria ni Governor Juliette Uy sa padayong pagsuporta alang sa mga programa alang sa kaayohan sa mga studyante og magtutudlo sa tibuok probinsya. Sa maong kalihokan mapasalamaton usab ang mga magtutudlo tungod kay nabalik na ang ilang Research Incentives homan nga na undang kini sa milabay nga mga katuigan.

Ang matag usa kanila nakadawat og tag dos-mil pesos (P2,000) matag tuig. Sa kalihokan adunay usab gipahigayon nga pa -cash raffle alang sa mga magtutudlo isip pahalipay ug pasalamat sa inahan sa lalawigan Governor Uy. Ang maong pa cash raffle nagsugod sa gagmay nga kantidad hangtod sa dagkong premyo nga nakapahalipay sa mga magtutudlo. Dako ang pasalamat ni Opol National Secondary Technical School Teacher 1 Ms. Janelle Marie Tongao kang Governor Juliette Uy sa iyang dakong suporta alang sa tanan magtutudlo sa tibuok lalawigan.

Dugang pa ni Ms. Tangao nagpasalamat usab siya sa pa-cash raffle nga gihimo ni Governor Uy sa nasangpit nga kalihokan tungod kay dako na kini ug matabang alang sa iyang pamilya. Kahinumdomang buot hingusgan sa gobernador ang kalidad nga edukasyon ning lalawigan uban sa pagtoo nga kini maoy taytayan aron makab-ot ang daghang kalamposan sa tibuok probinsya.

Ang 14th araw nga parangal nahimong usa ka kalihokan sa pagpasalamat, pag-ila ug paghatag dugang kusog sa tanan magtutudlo nga padayon nga gapaningkamot alang sa kaugmaaon sa kabataan.

By: Ellen Mae Lahinao/PIO

Hulagway kuha ni:

Jezreel Ecuacion, Mel Theresa Ruales ug Marvin Gilig/PIO