MGA OPERATORS SA KARAANG PUVS, DILI PASAGDAN SA KAPITOLYO

Posted: March 16, 2020

88248442

Gibutyag ni Gobernador Bambi Emano iyang dakong suporta sa programa sa Department of Transportation nga Public Utility Vehicle Modernization program sa miaging semana.

Atol sa launching sa maong programa sa kapitolyo probinsyal niadtong Marso 6, 2020 gipahibalo ni Gobernador Bambi Emano nga bisan ug suportado niini ang flagship project ni Presidente Duterte sa pagmodernize sa mga pampublikong sakyanan, apan dili niya pasagdan ang mga karaang operators sa PUVs sa Misamis Oriental.

Giaghat usab ni Gob. Emano ang tanang jeepney drivers ug operators nga magmodernize sa ilang mga units alang sa pagpalambo pa sa turismo sa lalawigan. Pasabot sa gobernador, dili ma-displace ang mga jeepney drivers nga adunay karaan nang unit kay pwede kini nilang i-barter sa modernize unit ug dili sila maglisod sa pag angkon niini tungod kay naa silay madawat nga subsidy nga mukabat P70,000 paingon P80,000 gikan sa National Government ug lain pang P70,000 ngadto nas P80,000 subsidy usab gikan sa lokal nga pangagamhanan.

Sa kasamtangang programa dili angayang mabalaka ang mga operators kay kanunay ang suporta sa pangagamhanang lokal ug ni Provincial Cooperative Officer, Boboy Acain kung nagkinahanglan man ug financial assistance ang mga sakop sa kooperatiba sa lalawigan.