GITIGOM sa Bids and Awards Committee (BAC) ang mga department head, chief of hospitals ug administrative officers sa Kapitolyo alang sa Orientation on New Government Procurement Act (NGPA). Matod ni Provincial Accountant Philip Dagoc, importante nga mahibalo ang mga opisyales sa Kapitolyo kabahin sa mga bag-ong proseso sa pag procure sa mga kagamitan. Gidugang niya nga malikayan niini ang kadugayon sa pagkuha og mga kagamitan para sa ilang mga serbisyo ug ang paglikay sa mga mahimong posibleng problema sa Commission on Audit (CoA).
Ang NGPA o Republic Act (RA) 12009 usa ka bag-ong polisiya nga nagtinguhang adunay transparensiya, pagkamay-tulubagon, paspas, ug episyente nga pama-agi sa pagprocure sa mga kagamitan sa gobyerno. Gipasundayag ni Dagoc ang pama-agi ni Governor Juliette Uy karon sa tanang transaksyon ug proseso sa Kapitolyo tungod kay gipatuman niya ang pagsunod sa balaod. Gipangunahan sa mga myembro sa BAC ug Local Finance Committee (LFC) ang katigoman, nga gipahigayon sa Kapitolyo niadtong Mayo 18, 2025 Kahinumdomang usa sa mga gipatuman ni Governor Uy sa Kagamhanang Probinsyal sa tanang serbisyo ug transaksyon ang accountability and transparency. Kini nahisubay sa iyang BANGON strategic agenda nga nagtinguhang mapalambo pa ang Misamis Oriental.
By: Nefilim Diaz/PIO
Hulagway kuha ni: Charm Andy Pacamalan/PIO
