MGA PRAYORIDAD SA BALIK SERBISYO SA KAPITOLYO PROBINSYAL

Posted: July 16, 2020

16072020-1

Bout ni Governor Bambi Emano nga mas paspasan ug doblehon karon ang serbisyo sa lalawigan human nga natapos na ang napulo ka adlaw nga hagit nga giatubang sa Kapitolyo Probinsyal.
Bout sa amahan sa lalawigan nga iprayoridad ug iproseso sa LOCAL FINANCE COMMITTEE (LFC) ang mga nag unang panginahanglan sa katawhan sa lalawigan.
Unsa sa prayoridad mao ang pagkaon sa mga binilanggo na diretso ug kamulo nang gina proseso
Sunod niini mao ang mga panginahanglanon sa walo ka ospital sa lalawigan na kinahanglang mapaspasan.
Ikatulo nga prayoridad niini mao ang pagpakigbatok sa Corona Virus Disease (Covid-19) labina gikalabalaka niini ang posibleng local transmission.
Lakip sab sa bout ipaproseso ni Gov. Bambi ang mga nalangan nga suholan sa mga job order ug casual nga empleyado sa kapitolyo ug naglaum nga mahatag kini ug maproseso sa labing dali nga panahon.
Bout sab niini nga mapadayon ang ECONOMIC RECOVERY PROGRAM kon diin usa sa prayoridad gyod nga mapaspasan ang pagtukod sa ISOLATION UNIT sa lungsod sa Alubijid labina dili matagna kung hangtod kanus-a ang pakigbatok sa makapatay nga virus.
Hangyo ni Governor Bambi sa LFC nga iproseso ug paspasan ang mga papel nga moabot sa buhatan aron maapas ang napulo ka adlaw na naparalisa ang kapitolyo.
Mapasalamaton gihapon kini nga taliwala sa giatubang nga mga hagit sulod sa napulo ka adlaw nagpadayon ang kaikag sa mga empleyado sa pagpanerbisyo ngadto sa katawhan sa lalawigan.