MID-YEAR BONUS, MA-RELEASE NA

Posted: May 29, 2020

29052020-5

ATOL sa ika-walo nga virtual flag-raising ceremony sa kapitolyo probinsiyal sa Misamis Oriental niadtong Mayo 26, 2020, gi-anunsiyo ni Gov. Bambi Emano nga sa mas dali nga panahon ma-release na ang mid-year bonus sa mga empleyado.
Kini, matud ni Gov. Emano, aron maggamit pangpalit sa batakang panginahanglanon sa mga empleyado ug ilang tagsa-tagsa ka pamilya hilabina ning panahon sa krisis nga resulta sa hulga sa coronavirus disease 2019.
Dugang ni Gov. Emano, ang sayo nga pag-apod apod sa mid-year bonus lakip sa economic recovery program sa iyang pamunuan duyog sa rekomendasyon sa Provincial Task Force for COVID-19. Rason sa gobernador, kung dunay kwarta nga motuyok, paspas mobalik ang lig-ong ekonomiya.