MIKABAT P4 MILYONES PUNDO’S PROYEKTO, GITUNOL SA MISOR

Posted: February 28, 2020

87360769_554870691790620_4660796353822064640_o

SULOD lamang sa usa ka adlaw ug usa ka higayon, mikabat sa P4,112,533.36 nga pundo ang gitunol sa pamunuan ni Gobernador Bambi Emano ngadto’s kabaranggayan sa Misamis Oriental.

Pito ka barangay nga adunay tagsa-tagsa nga gihangyo’ng proyekto ubos sa programang Barangay Empowerment ni Gobernador Emano ang mapasalamaton uyamot sa ilang pagpamauli bitbit ang tubag sa ilang yangongo ug hangyo gikan’s kapitolyo niadtong Pebrero 24, 2020, atol sa sinemanang pagpakayab sa nasudnong bandila.

Nakadawat ang Brgy. Alagatan, Gingoog City, og P887,803.36 para sa construction sa ilang multi-purpose hall, phase 3; P300,00 alang sa Brgy. 12, Gingoog City para sa concrete canal cover project; P600,000 sa Brgy. Mahayag, Talisayan, para sa konstruksyon sa multi-purpose building; P300,000 sa Brgy. Artadi, Magsaysay, para sa repair sa barangay stage ug improvement sa basketball court; P300,000 sa Brgy. Mapulog, Naawan, para sa improvement sa multi-purpose building; P600,000 sa Brgy. Sinai, Laguindingan, para sa konstruksyon sa 2-storey function hall; ug P1,124,730 sa Brgy. Andales, Initao, para sa konstruksyon sa covered court.

Sa matag semana, naandan na nga adunay susama nga pagtunol sa pundo alang sa pagpatuman sa mga proyekto nga mao gayud ang gikinahanglan sa mga tawo sa ilang tagsa-tagsa ka barangay. Dili susama niadto nga imbes covered court ang gikinahanglan, hatagan na hinuon sa classroom bisan dili pa angayan.