GIILA ang Misamis Oriental isip fully compliant awardee alayon sa Gawad Kalasag. Ang maong pasidungog gitunol atol sa 2025 PAHINUNGOD Regional Recognition Ceremony ug gidawat ni Provincial Disaster Risk Reduction and Management Officer Fernando Vincent Q. Dy, Jr. Kini nga rekognasyon pamatuod sa kaikag sa matag LGU nga magtanyag og mga programa agi’g pag-implementa sa highest national standards alayon sa NDRRMC guidelines.
Pinaagi usab niini, giila ang tanang kausa ubos sa Disaster Risk Reduction and Management. Ug sa gihimong evaluation sa matang sa preparedness, response, ug climate adaptation programs nakitaan og excellent kon kalidad sa ilang kinatibuk-ang panerbisyo ang mga mananaog lakip ang lalawigan sa Mis Or. Ang plaque of recognition nagikan sa Northern Mindanao Regional DRRM Council uban ang Office of Civil Defense 10.
Kahinumdomang tinguha gayod ni Gov. Juliette Uy ang mahatag sa tibuok katawhan ang igong proteksyon ug seguridad labina batok sa mga kalamidad ug mga kadaot nga posibleng mahitabo. Gumikan usab niini nga padayon ang paningkamot sa kagamhanang probinsyal sa pagpangulo sa PDRRMO ug tanang DRRMM Officers mapanalipdan lamang sa kanunay ang tanang Misamisnons.
By: Rejiann Ammor R. Maygay/PIO
Photo courtesy: Mis Or PDRRMO
