MISAMIS ORIENTAL TRANSPARENCY DONATION BOARD, GILUSAD

Posted: April 23, 2020

Img-7

Gilusad sa Kapitolyo probinsyal sa Misamis Oriental ang Transparency Donation Board hain Makita na ang mga donasyon nga gitunol sa Kapitolyo alang sa mga Misamisnon.

Tungod sa hulga sa makamatay nga COVID-19 sa tibuok kalibutan, ubay-ubay na ang nadawat sa Kapitolyo Probinsyal nga mga donasyon hilabina gikan sa mga pribadong kompanya alang sa mga Frontliners ug katawhan sa Misamis Oriental.

Aron malikayan ang pag kwestyun ug pagduda sa ubang opisyales ug katawhan mahitungod sa mga donasyon, rason kung nganong gilusad kining Transparency Donation Board diin makita ang petsa kong kanus-a nadawat ang donasyon lakip niining ibutang ang ngalan sa nag donar o ngalan sa organisasyon, unsa ang mga item nga gi donar, unsay quantity, pila kabuok ang mga goods ug item, expiration date hilabina sa mga medicina, kanus-a gi out ang date of release sa items ug goods sa mga benepisyaryo, ang balance kong pila nalay nabilin ug mga pangalan sa mga benepisyaryo o ang mga nakadawat.

Sigon pa ni Atty. Jeffrey saclot-Provincial Tourism Officer ug Task Force Spokesperson, matag adlaw sa alas 4 sa hapon i-update nila ang transparency board aron mahibaw-an ug Makita kong aduna bay na release. Mamahimo usab nga mubisita niini ang mga media diin mapadayag nila sa kahanginan ug sa uban pa ang mga updates niini.

Ang transparency board tubag sa mga pangutana kung asa ug kinsa ang nakadawat sa mga donasyon alang sa mga naapektuhan sa covid 19. Buot ni gobernador bambi emano nga makita sa publiko ang transparensiya sa iyang pang gobyerno.