DAGKONG Scholarship ug Tech Opportunidad para sa Kabatan-onan sa Misamis Oriental. Usa ka dakong higayon ang nagpaabot sa atong mga kabatan-onan ug innovators. Gibisita personal ni Miwa Yoshiaki, Presidente sa Mindanao–Japan Science and Technology (MJ-STeP), kauban ang iyang igsoon nga si Tony Miwa, ang former president, si Governor Juliette Uy sa Kapitolyo. Ang MJ-STeP aktibong nagpalig-on sa panag-uban tali sa Japan ug Mindanao sa laraw sa siyensya, teknolohiya, ug research. Nagtrabaho kini uban sa mga unibersidad ug LGUs sa Mindanao aron pasig-ugtan ang innovation, scholarship programs, research collaborations, ug investment opportunities.
Matud pa ni Mr. Miwa Yoshiaki, tungod sa lig-on nga liderato ni Gov. Juliette Uy, mas mudako pa ang oportunidad nga mahatag para sa atong kabatan-onan ug katawhan sa Misamis Oriental. Nagpasalig siya nga buo niyang suportahan ang Gobernadora sa pag-abot niini nga mga tumong. Sa pikas bahin, nalipay ug puno sa paglaom si Gov. Juliette Uy sa umaabot nga mga proyekto ug kolaborasyon uban sa MJ-STeP, ug nagpasalig usab nga iyang tabangan ug suportahan kini aron mas mulambo pa ang atong lalawigan. Misamis Oriental padulong sa mas maalamon, mas abante, ug mas inovative nga kaugmaon!
Hulagway kuha ni: Andy Pacamalan/PIO
