MISOR COVID FREE PA GIHAPON

Posted: April 23, 2020

91204066_579335376010818_251884636316106752_o

GIKALIPAY ni Gob. Bambi Emano ang taho nga wala pay bisan usa gikan sa Misamis Oriental ang nagpositibo sa corona virus disease (COVID-19).

Sa datos sa department of health nasayran nga sa tibuok rehiyon dies, duna nay upat ka tawo ang positibong nataptan sa covid 19 ug kini nagikan sa dakbayan sa Iligan, syudad sa Cagayan de Oro, Lanao del Norte ug lalawigan sa Misamis Occidental.

Atol sa tigom sa provincial anti-illegal task force batok covid 19, Marso 31 ning tuiga, gipahibawo ni Dr. Jocelyn Torrecampo nga miabot na sa 4,339 ka mga tawo ang Persons Under Monitoring (PUM) samtang 284 sab gikunsidera nga Persons Under Iinvestigation (PUI).

Ang departamento sa panglawas sa lalawigan hugot ang monitoring niining maong mga indibidwal aron pagsiguro nga kapugnan ang pagkuyanap niini sa ubang mga tawo.
Tungod niini gimando ni Gob. Bambi Emano sa provincial PNP nga mas hingusgan pa ang ilang checkpoint aron masiguro nga kapugngan ang pagsulod sa maong sakit sa Misamis Oriental.