MIYERKULES, Agusto 6, 2020 migawas sa Miss Universe Philippines official Facebook page ang promotional video ni Caroline Veronilla kon hain kini ant official nga kandidata nga mirepresentar sa lalawigan sa Misamis Oriental.

Sa maong video makita ang mga maanindot nga tourist attraction sa lalawigan sa Misamis Oriental sama sa Divine Mercy Shrine sa El Salvador City, boardwalk mangrove Eco park sa lungsod sa Alubijid, Initao-Libertad Protected Seascape and Landscape.

Lakip sa gi promote niini ang sikat ug lamian nga bibingka sa lungsod sa Manticao.

Kauban ni Veronilla sa iyang promotional video ang taga Misamis Oriental sab nga mga videographer nga mao sila si Jezreel Ecuacion ug Neil Ven Labis.

Sa kasamtangan ang video padayon sa pagsaka ang views ug gihangyo ang Misamisnon nga suportahan kini.

Ang kagamhanan sa Misamis Oriental sa pagpanguna ni Governor Bambi Emano nagpadayon sa pagsuporta sa mga kandidata nga moprepresentar sa lalawigan gumikan kini sila maoy gadala sa pangalan sa probinsya nga maila dili lang sa Pilipinas apan tibouk kalibutan.