MISOR, GIPANALIPDAN ANG CAGAYAN DE ORO BATOK COVID-19

Posted: May 21, 2020

2152020-1

Tanang lakang sa pangagamhanang lokal sa Misamis Oriental ubos sa pamunuan ni Gobernador Bambi Emano dili lang alang sa katawhan sa lalawigan apan lakip na usab ang Dakbayan sa Cagayan de Oro.
Bisan sa kadaghang pandaot ug pagpanaway tungod sa kalihukan nga unta aron mapanalipdan ang katawhan batok sa COVID-19 lakip na niini ang Dakbayan sa Cagayan de Oro apan nanganti gihapon si Gobernador Bambi Emano nga padayon ang ilang lakang pag pagpanalipod sa Lalawigan lakip na niini ang Syudad.
Miingon ang Gobernador nga ang paghigugma niya sa tanang mga Misamisnon mao usab ang iyang paghigugma sa katawhan sa Syudad sa Cagayan de Oro pinaagi sa ilang mga gihimong hugot nga lakang karon sa mga Checkpoints ug uban pa.
Pipila lang ang wala masabti sa mga kalihukan karon sa Probinsya tungod sa panglantaw sa bulok sa pulitika, apan ubay-ubay ang nakasabot ug nagtuman sa mga Precautionary measures ug uban pa tungod kay dili pamulitika ang gihimo karon sa probinsya, gihimo kini aron kanunay gihapon nga luwas ang Lalawigan sa sakit lakip ang Syudad sa Cagayan de Oro.