MISOR GIPLANO UG GIPANGANDAMAN ANG POSIBILIDAD SA LOCAL TRANSMISSION SA COVID 19

Posted: June 26, 2020

26062020-2

GIPANGANDAMAN na sa Misamis Oriental Provincial Task Force for Covid 19 ang posibilidad sa local transmission sa lalawigan.
Gibutyag ni Governor Bambi Emano nga hagit sa lalawigan nga nasudlan og kaso sa Covid 19 ug ang ilang mahimo niini mao ang lakang ug pagpangandam sa posiblidad sa local transmission.
“Local transmission might be possible why because protocols might have been broken. Why because Filipinos whether they like it or not really love to socialize ug pag-bot sa tao gikan sa gawas mangita og pasalubong of course they missed thier family for so long maningkamot gyod makakita sa ilang bana or asawa and that’s what we are preparing for,” matud ni Governor Bambi.
Mao sab kini ang rason nga gimugna ang 11 ka komitiba aron mapangandaman kung ugali aduna man local transmission.
Matud ni Governor Bambi nga plano kini ni Dr. Jerie Calingasan ang Chief sa Provincial Task Force nga iprepar ang lalawigan niini.
“We will already start discussing and making protocols and guidelines for in case if there is a local transmission already kanang nag abot nato nga Covid positive ang tawag ana imported nga gikan sa layo ni gianhi dinhi nay sakit daan ug di nato masiguro nga ugma basin nagtakod-takod nana sila diha sa community so ang pangutana unsay buhaton? so iyang mando magbuhat og preparasyon,” matud niini.
Tipik sa plano sa Task Force nga kung aduna magpositibo i-cordon ang partikular area, ang tanan sakop sa pamilya ang i-isolate og 14 ka adlaw kung diin tanan panginahanglanon sama sa pagkaon, gatas, tambal ug uban pa gikan sa batang masuso, bata, dalaga, ulitawo padulong sa hamtong ug senior citizen ang ihatag sa gobyerno nga libre bugti lamang nga dili magawas sa panimalay.
“Tanan ihatag then that’s how we contain on how to stop local transmission. We will supply all the needs. We are now focus on how to treat local transmission, treating it means how do we stop it nga dili na moadto sa uban purok nga angayan na masirado diha pa lang sa usa ka purok,” pasabot ni Governor Bambi.