MISOR INFO OFFICE KBP PASSERS, GIPASIDUNGGAN

Posted: February 28, 2020

87427227_554866198457736_5887802595426172928_o

SA talagsaon nga higayon, gipasidunggan sa kapitolyo probinsyal sa Misamis Oriental ang mga miyembro sa Provincial Information Office (PIO) nga 100 percent mipasar sa Kapisanan ng mga Brodkaster ng Pilipinas (KBP) accreditation examination niadtong Nobyembre 23, 2019.

Si Gobernador Bambi Emano, kinsa malipayon kaayo sa kalamposan sa iyang mga magsisibya, mao mismo ang mitunol sa plake atol sa sinemanang pagpakayab sa nasudnong bandila sa kapitolyo, Pebrero 24, 2020.

Nakadawat sa plaque of recognition sila si Lambo Carl Michael Sabalbaro, Lambo Becky Saliring-Galimba, Lambo Jane Jabiniar, Lambo Charles Abigail Noble ug Lambo Ethel Ipanag, kinsa pulos mga reporters sa Lambo, MisOr TV. Sila ang second batch nga nag-take sa nasangpit nga pasulit.

Sa first batch, 100 percent gihapon nga mipasar sa KBP accreditation sila si Lambo Clariss Enterina, Lambo Renebelle Rebultan, Lambo Reywynx Morgado, Lambo Regiann Maygay, Lambo Japhet Inteng, Lambo Rochelle Sanaga; kanhi Provincial Information Officer Ms. Nicole Managbanag, ug kasamtangan PIO consultant Mr. Loui Maliza.

Dili gusto ni Gobernador Bambi Emano nga mahimong “sipa-lata” ang iyang mga tigpamaba sa kapitolyo, hilabina sila ang nagdala sa imahe sa pangagamhanan ug nagsabwag sa impormasyon nga tinuod ug dunay basehan. Kung itandi sa milabay nga administrasyon, ang pamunuan lamang ni Gobernador Emano ang adunay tawo nga pulos lisensiyado nga motingog sa radyo. Dili susama sa ubang tigpamaba nga gisugo lang palit og suka, nahimo nang brodkaster ug nahimo pang tigpamaba sa mga kaatbang sa pulitika sa gobernador.