MISOR, LUWAS PA SA AFRICAN SWINE FEVER

Posted: February 21, 2020

img_00104

Luwas pa ang lalawigan sa Misamis Oriental gikan sa African Swine fever us aka matang sa sakit sa mga baboy. Human wala pay na monitor ang provincial veterinary office matud ni Gobernador Bambi Emano atol sa sinemanang pagpakayab sa nasudnong bandila sa kapitolyo probinsyal sa iyang paghatag mensahe atubangan sa mfa kawani sa kapitolyo, mga board members ug sa mga bisita.

Buot pasabot niini, nga dili angay pang mabalaka ang katawhan sa pagkaon sa mga baboy nga gikan sa Misamis Oriental. Kanunay gayud nagabantay ang provincial veterinary office sa pagpangulo ni provincial veterinary head Doc. Benjamin Resma mahitungod sa maong sakit sa mga baboy ug gipaningkamutan nga dili masulod ug maapektuhan sa sakit ang mga baboy sa lalawigan.

Kahinumduman nga gipakanaog ni Gob. Bambi Emano ang Executive order Number 2020-002 nga nag Ban sa pagsulod sa Baboy, karneng Baboy ug Produkto giksan sa baboy gikan sa Davao Occidental aron mapanalipdan gikan sa ASF ang mga Baboy sa MisOr.