MISOR NAKADAWAT OG DONASYON GIKAN SA GRUPO SA CHINESE

Posted: May 21, 2020

2152020-9

NAKADAWAT na usab og laing grasya ang probinsya sa Misamis Oriental nga magamit alang sa mga Frontliners sa lalawigan.
Adlawng Martes, Abril 28, 2020 giturn-over sa Philippine Chee Kung Tong Chinese Mason- Misamis Oriental Chapter ang 5,000 pcs. nga facemasks, 50 ka sako nga bugas, 10 boxes of goods sama sa (ponkan).
Personal kining gidawat ni Gobernador Bambi Emano, Dr. Jerie Calingasan kinsa Chairman sa Provincial Task Force Covid-19 ug Mr. Fernando Q. Dy ang Provincial Disaster Risk Reduction Management Office Head.
Matud ni Johnson Que kinsa Presidente sa Philippine Chee Kung Tong Chinese Mason MisOr Chapter nga usa kini sa ilang paagi aron makatabang sa mga Misamisnon hilabina sa mga frontliners.
“Because of Covid 19 spread in the country now so we think we as a part of here. We need to do something for our society. So our group fundraising nag buy mig masks, bugas and mga goods, sila na maghatag sa mga hospitals ba para matabang sa tanan.” matud ni Que.
Kinasing kasing ang pagpasalamat sab sa amahan sa lalawigan nga ang donasyon sa grupo dako kaayo og tabang sa mga frontliners nga gikan sa lungsod sa Lugait paingon sa lungsod sa Magsaysay.
Ang maong mga nadawat iapod-apod sab deretso kini ni Gobernador Bambi ngadto sa mga mayores nga anaa mitambong sa panagtigom sa Provincial Task force for Covid-19 sulod sa Provincial Training Center.
“We would like to thank to all of you, for your kindness for your generosity for your donations,” matud sa gobernador ug miingon nga dako kaayo og tabang ang ilang donasyon sa lalawigan ning padayon ang pakigbatok sa Covid 19.
“It’s a big help for Misamis Oriental because when we need it the most, when we need the most and you came to help so for us that’s very big, you give us on the right time its very very big help for Misamis Oriental,” dugang ni Gobernador Bambi.
” I hope your business will prosper here in Misamis Oriental. Makalaom ang tanang naghatag sa mga donasyon matunol kini sa labing nagkinahanglan hilabina sa mga Frontliners,” pasalig sa gobernador.
Sunod-sunod ang donasyon nga nadawat sa lalawigan gikan sa mga pribadong grupo ug mga dagkong kompanya nagpamatoud sa ilang dakong pagsalig sa liderato ni Gobernador Bambi nga ang ilang mga donasyon siguradong moabot gayud ngadto sa mga tao nga bout nilang maabtan sa ilang tabang.
Laumang dugang listahan na usab kini nga masulat sa Transparency Donation Board nga nahimutang sa hawanan sa Kapitolyo Probinsyal.