Personal nga gidawat ni Misamis Oriental Provincial Librarian Ms. Richel Pajara ang pasidungog atol sa bag-o lang gipahigayon nga 2022 Search for Gawad Parangal sa Natatanging Tagapangasiwa at Tagapaglingkod sa Pampublikong Aklatan isip Leadership Awardee sa Sheraton Manila Bay, Malate, Manila.

Kini nga pasidungog gitunol sa National Library of the Philippines (NLP) ug The Asia Foundation (TAF) isip pag-ila sa tiunay nga serbisyo sa mga librarian sa pagpalambo sa mga pampublikong library sa tibuok nasud.

Kini nahimong posible pinaagi sa dakong tabang sa Panggamhanang Lokal nga gidumalahan ni Governor Peter Unabia diin suportado ang tanang kalihokan sa Provincial Library tungod kay tinguha niini nga mahatagan og maayong ugma ang mga kabatan-onan sa lalawigan.

By: JANE P. SALIMBAO/PIO


PHOTO COURTESY: RICHEL PAJARA, PROVINCIAL LIBRARIAN- MISOR