MISOR UPDATE: BOARD MEMBER YASAY, GUSTO IPA-EXTEND ANG REAL PROPERTY TAX RELIEF DINHI’S MISOR

Posted: March 16, 2020

88169106

NABATI ni Board Member Dexter Yasay ang lisud nga kahimtang sa mga negosyante dinhi sa Misamis Oriental kon ngano adunay pipila kanila wala makabayad pa sa ilang real property taxes ngadto’s pangagamhanang probinsiyal. Nunot niini, gihangyo sa opisyal nga unta kung pwede ma-extend pa sa Provincial Treasurer’s Office ang ilang tax holiday program hangtud sa Diseyembre 31, 2020.

Isip chairman sa committee on ways and means sa Sangguniang Panlalawigan, dili sa tanang panahon hayahay ang negosyo, mao nga dakung tabang ang extended tax relief ngadto sa magpapatigayon nga makabayad sa ilang buwis ug mas nindot pa kompara kung mangolekta sila’g interest ug penalty sa mga boluhisan.
Alang ni board member Dexter Yasay nakasabot siya sa dagan sa ekonomiya karong panahuna mao nga paninguhaon niini nga matabangan ang mga magpapatigayon pinaagi sa pagpalugway sa maong programa.

Ang real property tax relief, lakang sa Provincial Treasurer’s Office alang sa paghatag lugway sa tanang magpapatigayon dinhi sa Misamis Oriental aron makabayad sa ilang buwis nga nagtangag na’g dagkung interest ug penalties hangtud lamang unta Disyembre 2019.
Si Gobernador Bambi Emano sa iyang bahin nalipay sa maong lakang sa lehislatibo kalabot na sa paghatag dugang lugway sa pagbayad sa boluhisan. Iyang panghinaut nga pinaagi niini mamenusan na unya ang suliran nga giatubang karon sa mga gagmay ug dagkung magpapatigayon sa lalawigan.