MISOR VET, DUNAY P5 MILYON NGA KITA

Posted: June 8, 2020

862020-11

SULOD lang sa upat ka bulan kon Enero hangtud Abril 2020, mikabat na sa P4,926,179.58 ang kinitaan sa Provincial Veterinary Office (PVet) sa Misamis Oriental.
Kini ang taho ni Provincial Veterinarian Dr. Benjamin Resma ngadto kang Gov. Bambi Emano ning bag-o, base sa ihap sa baboy ug manok nga gipaubos sa meat inspection sulod sa 10 ka poultry dressing plants ug slaughter house sa lalawigan.
Ang gihimong inspection ug collection sa PVet pinasikad sa Ordinance No. 733-2005 kon Revenue Code of Misamis Oriental.
Matud ni Dr. Resma, ingon ani ka daku ang nakolekta gikan sa inspection fees tungod sa gidaghanon sa baboy ug manok nga mikatap sa merkado human sa hugot nga kampanya sa ilang buhatan batok sa swine fever ug bird flu viruses. Kung luwas sa maong sakit ang mananap, daghan mokaon nga konsumante, mas daku ang halin sa negosyante, daku pud ang koleksiyon sa PVet.