MISOR WALAY LOCAL TRANSMISSION SA COVID 19

Posted: June 22, 2020

22062020-18

GIPAABOT ni Governor Bambi Emano atol sa flaig raising ceremony via zoom adlawng Martes, Hunyo 16, 2020 nga walay local transmission sa Corona Virus Disease (Covid-19) sa lalawigan sa Misamis Oriental.
Pasabot niini nga ang mga natala nga tulo ka mga nagpositibo sa Misamis Oriental ang taga lungsod sa Libertad ug siyudad sa Gingoog ang gihulagway niini nga mga ‘imported’ o gikan sa laing dapit ug wala dinhi nataptan sa lalawigan tungod kay usa kanila Overseas Filipino Workers (OFW) ug and duha pulos Local Stranded Individual (LSI).
“We have done wonderful things in Misamis Oriental, until today we remain zero why because all the three cases that out recently were imported that is not locally transmitted” matud ni Governor Bambi. Bisan paman nga natala kini sa lalawigan gipaabot ni Governor Bambi nga maningkamot ang Provincial Task Force for Covid 19 nga mapugngan ug unta dili na kini madugangan pa nga kaso ug himoun ang tanan kutob sa mahimo aron dili kini mokuyanap o motakod takod pa.
Kumpiyansa ug dako sab ang pagsalig ni Gov Bambi sa pamunoan ni Dr. Jerie Calingasan nga maprotektahan ang lalawigan bisan paman nga daghan nga hagit ang giatubang sa bangiitang doktor. Hagit sama sa pagdepensa gumikan sa mga pagsaway sa pipila ug hagit unsaon pagprotektar ang katawhan sa lalawigan.
“Dili ko sugarol but if I am a betting man akong ipusta tanan akong kwarta kang Chief Jerie Calingasan kay sigurado ko nga dili ko mapilde kay tanan niyang intensyon dili man para ma re-elect siya, iyang intensyon dili para modaog sa pulitika, iyang intensyon nga maluwas atong kinabuhi tanan sa Misamis Oriental,” pahayag ni Governor Bambi.