MISS KUYAMIS 2020 CORONATION NIGHT, GIDAGSA

Posted: January 20, 2020

img_93

Gidagsa sa mga supporters ang Miss Kuyamis 2020 Coronation Night nga gipahigayon sa El Salvador City Gymnasium, Enero 9, 2020.

Paggawas sa mga kandidata suot ang cocktail dresses nga desinyo ni Bea Bianca para sa ilang opening number, nahugyaw ang isig ka cheering squads ug supporters sa mga kandidata.

Samot sa ilang “show-me-some-skin” attire mibudlot ang mga mata sa manan-away sa ilang sexy bodies.

Mas labaw pang nahugyaw ang mga supporters sa dihang gi-serenade sila ni Kapamilya artist Vin Abrenica sa iyang version sa “Beautiful in my Eyes”, samtang naka night gown ang mga kandidata.

Sa ulahi, na-koronahan si Miss Opol Isobel Teano isip Miss Kuyamis 2020, kinsa nakadawat sa mga pagdayeg gikan sa iyang mga kaubang kandidata.

Kung hisgotan ang abilidad ug kaanyag, dili palupig ang Misamisnon. Labaw sa tanan ang maayong pamatasan ug pagka buotan, nagpasulabi sa tanang panahon.