PERSONAL nga gidawat ni reigning Miss Philippines Air Jimema Tempra ning bag-o ang pasidungog gikan sa Sangguniang Panlalawigan- Misamis Oriental nga usa ka SP Resolution.

Kini kabahin sa kalamposan nga naangkon sa dalaga human nasakmit ang korona sa milabayng Miss Philippines Earth 2022 beauty pageant dadto sa kaulohan dala-dala ang adbokasiya mahitungod sa pagpangga sa kinaiyahan. Ang maong kalihukan gipangunahan ni Bise Gobernador Jeremy Jonahmar “Jigjag” Pelaez uban ang tanang Provincial Board Members ug si Provincial Tourism Officer Atty. Jeffrey Saclot.

Ang maong kadaogan nahisubay sa tumong ni Gobernador Peter M. Unabia nga kanunayon ang Goal Oriented Tourism Development dinhi sa Misamis Oriental nga siguradong moresulta sa usa ka progresibong ekonomiya alang sa kaayohan sa katawhan.

By: REJIANN AMMOR R. MAYGAY/PIO


Photo courtesy: Sangguniang Panlalawigan- MisOr