MOPH-BALINGASAG GIPAUBOS SA SANITATION AND DISENFECTION

Posted: August 7, 2020

782020-2

KASAMTANGAN nga gipailawom sa sanitation and disenfection ang kinatibuk-ang gambalay sa Misamis Oriental Provincial Hospital sa Balingasag (MOPH-Balingasag).
Gilusad sa hiniusang pwersa sa komitiba sa sanitation and disinfection team sa Provincial Task Force for Covid 19 nga gipangunahan sa Provincial Veterinary Office (PVET), Provincial Environment and Natural Resources (PENRO), Capitol Park, Provincial Population Office, Provincial General Services Office (PGSO), Provincial Engineering Office-Barangay Infrastructure Project.
Kauban usab niini ang lokal nga kagamhanan sa Balingasag sa liderato ni Mayor Alexis Quina kon diin sa pakigbatok sa Corona Virus Disease (Covid-19) katimbayayong kanunay sa kapitolyo probinsyal ang lokal nga kagamhanan sa lungsod sa maong lungsod.
Kini nga mga lakang lakip sa kamandoan ni Governor Bambi Emano ug Provincial Task Force Chief Dr. Jerie Calingasan aron masigurong sa pagbalik operasyon sa nasangpit nga balay tambalanan limpyo ug luwas sa bisan unsang bakterya ug virus ang mga domudoung ug mga gapatambal nga pasyente.