MOPH DAKO OG TABANG SA DECONGESTION SA NMMC UG CDO HOSPITALS

Posted: August 11, 2020

1182020-4

NAKATABANG og dako ang walo ka Misamis Oriental Provincial Hospital (MOPH) sa decongestion sa Northern Mindanao Medical Center (NMMC) lakip pipila ka mga balay tambalanan sa Cagayan de Oro.

Ning krisis sa panglawas nga gisagubang sa nasud gikinahanglan pag-ayo ang pag decongest sa mga hospitals sa dakbayan sa Cagayan de Oro labina ang Northern Mindanao Medical Center (NMMC) kon mao kini ang Regional Hospital sa mga nataptan sa Corona Virus Disease (Covid-19).

Sa programang Lambo Misamis Oriental dako ang pasalamat ni Governor Bambi Emano ngadto sa walo ka mga ospital sa lalawigan.

Tungod sa MOPH wala na nagdasok ang daghan pasyente diha sa NMMC kay didto pa lamang daan sa ilang lungsod naakomodar naman sa walo ka balay tambalanan sa lalawigan.

Dako kini nga tabang ning nagkataas ang kaso sa Covid-19 sa Rehiyon.

Dugang ni Governor Bambi nga padayon iyang paningkamot nga matagaan pa og dugang pasilidad ang walo ka hospital arun ang mga pasyente nga magpaospital ug magpachek-up dili na kinahanglan mobiyahe pa sa siyudad.