MORESCO II, GISUMON SA SP

Posted: June 8, 2020

862020-5

SAMTANG gipaabot ni Board Member Wayne Militante sa hawanan sa Sangguniang Panlalawigan ang mga yangongo sa mga konsumante sa Misamis Oriental Electric Service Cooperative II niadtong Hunyo 1, 2020, atol sa ilang regular session, nakahukom ang konseho nga ipatawag sa sunod session ang pamunuan sa nasangpit nga power distributor.
Kini, kalabot na sa daghang reklamo sa mga konsumante human mitaas matud pa og kali tang ilang balayrunon sa kuryente sa bulan sa Abril ug Mayo 2020 nga dili nila masabtan kon ngano.
Pinaagi sa SP committee on energy, transportation and communication nga gipangulohan ni Board Member Dexter Yasay, magkatagbo ang mga miyembro sa komiteba ug representante sa MORESCO II karong Huebes, Hunyo 4, 2020, aron mahayagan ang tanan kalabot sa nasangpit nga isyu.