HUGTANONG pag-ugmad og mga plano alang sa malahutayong seguridad ning probinsya maoy sentro sa gihisgutan atol sa pag-kortesiya sa Misamis Oriental Police Provincial Office (MORPPO) ngadto kay Gov. Juliette T. Uy, adlawng Myerkules- Disyembre 10, 2025 sa kapitolyo probinsyal. Sa nasangpit nga higayon gipunting lakip ang mga programa bahin sa crime prevention, community engagement, ug ang pag- implementa sa tanang proactive security measures pagkab-ot sa katumanan sa kinatibuk-ang kaayohan sa katawhan.

Dako ang pagtoo sa gobernadora ngadto sa kwerpo sa kapulisan sa pagpangulo ni MORPPO Provincial Director 𝐏𝐂𝐎𝐋 𝐀𝐋 𝐌 𝐀𝐁𝐀𝐍𝐀𝐋𝐄𝐒 nga mapanalipdan ug mapatunhay ang kahusay ug kalinaw sa Misamis Oriental. Pinaagi usab kini sa ilang kaikag ug dedikasyon ubos sa gipanumpaang serbisyo.

Nagpasalamat usab ang MORPPO sa kanunayng suporta sa kagamhanang probinsyal ug ang pag-ila sa ilang bililhong parte sa pag-uswag ug pagsiguro sa tanang economic developments ning lalawigan.

By: Rejiann Ammor R. Maygay/PIO

Photo courtesy: MORPPO