MS. GOMEZ SA PHO-NUTRITION DIVISION, GIDAYEG NI GOV. EMANO

Posted: June 2, 2020

262020-2

GIDAYEG ni Gov. Bambi Emano si Provincial Health Office-Nutrition Division head Ms. Marites Gomez tungod sa iyang katarong ug kaligdong sa pagserbisyo sa katawhan sa Misamis Oriental, hilabina ang maayo niini nga relasyon sa tanang Barangay Nutrition Scholars sa entero lalawigan.
Sulti pa ni Gov. Emano, dili tiaw ang paningkamot ni Ms. Gomez aron lamang makab-ot ang pangandoy sa amahan sa lalawigan nga mahatagan gayud sa hustong giya ug nutrisyon ang ginikanan ug kabataan sa ilang inadlaw-adlaw nga kalihukan.
“Ang asawa ni ‘Richard Gomez’. Yes, she deserve commendation for her exemplary performance as Nutrition Division head. Kini ang isa sa department head ang angay panaminan ug panag-ingnan sa tanang empleyado sa kapitolyo,” niya pa.
Gipaabot ni Gov. Emano ang iyang pagdayeg kang Ms. Gomez atol sa pag-apod apod sa tag-P3,000 nga honorarium sa 561 ka Barangay Nutrition Scholars sa tibuok Misamis Oriental ning bag-o, isip pahalipay sa ilang kontribusyon isip frontliners, ug aron maggamit ning panahon sa krisis.
Matud ni Ms. Gomez, karon pa lang sa administrasyon ni Gov. Emano nga nakatagamtam ang BNS og increase sa ilang allowances human sa 20 na ka tuig.