NAGKADAIYANG KOOPERATIBA NAKADAWAT UG DUGANG PONDO

Posted: August 6, 2018

37841952_247775179166841_7270748546813394944_o

[et_pb_section admin_label=”section”][et_pb_row admin_label=”row”][et_pb_column type=”4_4″][et_pb_text admin_label=”Text” background_layout=”light” text_orientation=”left” use_border_color=”off” border_color=”#ffffff” border_style=”solid”]

DUGANG pundo na usab ang nadawat sa nagkadaiyang kooperatiba ug asosasyon sa lalawigan sa Misamis Oriental gikan sa pangagamhanang lokal niadto lamang Lunes, Hulyo 23.
Unom kanila ang nakadawat ug cheke nga gitunol ni Gobernador Bambi Emano, Board Member Leonard Winstanley ug Provincial Administrator Atty. Jocelyn Lood-Mateo, atol sa gipahigayong distribution of cash assistance sa kapitolyo sa susamang adlaw.
Sila ang Camaroc Farmers Association, Inc. sa lungsod sa Opol nga adunay 36 ka mga miyembro, nakadawat ug P50,000 alang sa dugang kapital sa ilang Palay Trading. Gidawat kini sa pangulo sa grupo nga si Rustico P. Cachero, Jr. kauban ang iyang opisyales.
Nakadawat usab P50,000 ang Provincial Cooperative Development Council sa Misamis Oriental nga adunay 45 ka miyembro gikan sa nagkadaiyang lungsod sa Probinsya. Ang maong hinabang, gidawat sa ilang pangulong si Mario Jaraula sa El Salvador, nakatagana alang sa dugang pundo.
Ang Luz Banzon Multipurpose Cooperative, adunay 103 ka miyembro gikan sa Lungsod sa Jasaan, nakadawat sa P100,000 nga hinabang isip additional capital sa ilang rice trading. Gidawat kini sa ilang pangulo nga si Edgar T. Tunacao.
Samtang ang Calatcat Farmers Multi-Purpose Cooperative, nga adunay 70 ka miyembro gikan sa Alubijid, nakadawat sa P150,000 isip dugang kapital sa ilang corn buy & sell. Mapasalamaton kining gidawat kini ni chairman Jeremias M. Socillo.
Dugang kapital gihapon nga P50,000 ang gitunol ni Gobernador Bambi ngadto sa Artadi Multi-Purpose Cooperative sa lungsod sa Magsaysay nga adunay 42 ka membro alang sa pagpalambo sa ilang Rice Trading. Gidawat kini sa ilang Chairman, Senecio D. Ballard, kauban ang ubang opisyalis.
Malipayon usab nga gidawat sa Kapunongan Alang sa Pagpalambo sa Laguindingan (KAPLAG) Credit Cooperative ang gitunol nga P100,000 isip dugang capital sa ilang negosyante pautang. Ang ilang groupo adunay 64 ka miyembro nga gipangulohan ni chairman James M. Sabacahan.
Sa mensahe ni Gobernador Emano ngadto kanila, naghangyo kini nga palambuon pa ang ilang mga pundo aron daghan silang matabangan ug dungan silang molambo kauban ang ilang mga miyembro ug opisyales.

[/et_pb_text][/et_pb_column][/et_pb_row][/et_pb_section]