Subli nang maagian sa mga motorista ang tulay nga nahimutang sa Brgy. Patag sa lungsod sa Naawan human kini daling giayo sa Provincial Engineering Office dihang naguba ang 20-meter portion sa Maputi-Mapulog –Patag Provincial Road niadtong Agosto 17, 2022 tungod sa pagtaas sa tubig baha.

Daling gibisita ni PEO Head Engr. Prisco Valmoria kauban si Project Engr. Valde ang area ug didto gisugdan gilayon ang restoration process gamit ang heavy equipment sa probinsya.

Pinaagi sa pagtinabanga sa PEO ug MDRRMO- Naawan, mikabat lamang sa upat ka adlaw ang pag-ayo sa maong tulay. Ang koordinasyon sa matag buhatan nagpakita lamang nga sinsero ang kapitolyo pagtubag sa mga reklamo sa matag barangay sakop sa Misamis Oriental.

By: REJIANN AMMOR R. MAYGAY/PIO

Photo Courtesy: Engr. Samson L. Valde of PEO-MisOr