NAGMABUNGAHON ang gipahigayon ang Newly-Elected Officials Performing Leadership for Uplifting Service Program nga miluntad sa tulo ka adlaw nga gipahigayon sa Mallberry Suites, Cagayan de Oro city. Tumong sa kalihokan nga magihayan ang mga bag-ong opisyales subay sa Local Government Code of 1991 nga natudlo sa sakto nga pagpadagan sa usa ka Local Government Unit (LGU). Lakip sa gihisgutan ang National Action Plan for Unity, Peace and Development, Digital Governance and Smart Cities, Infrastructure Services Supporting Local Development ug uban pa.
Sa katiguman gi-representahan ni Board Member Princess Emano si Governor Juliette Uy diin iyang gi-presentar ang BANGON Development Agenda sa inahan sa lalawigan. Pinaagi ni BM Princess Emano gibutyag ni Governor Uy nga usa sa gihatagan og dakong pagtagad niini ang ang unang letrang N sa B.A.N.G.O.N – Notable Programs in Health gani una nang gi-aksyonan ang walo ka mga Misamis Oriental Provincial Health Hospitals sa lalawigan. Dako ang pasalamat ni Talisayan Mayor Ciriaco Talines sa maong katiguman tungod kay mahatagan sila og dugang kahibalo alang sa pagdumala sa ilang tagsa-tagsa ka mga LGU’s. Dugang pa ni Mayor Talines dako usab iyang pasalamat ni Governor Juliette uy sa gihatag nga dakong suporta sa tanan Mayores sa tibuok lalawigan.
Ang kalihokan gipangunahan kini sa Department of the Interior and Local Government X katimbabayong ang kagamhanang Probinsyal. Kahinumduman nga hugot ang suporta usab sa DILG sa tanan lakang sa inahan sa lalawigan aron masiguro ang kahusay og kalinaw sa tibuok Probinsya.
By:Ellen Mae Lahinao/PIO
Hulagway kuha ni: Jezreel Ecuacion/PIO
