NEW YORK-BASED FASHION DESIGNER, MIDONAR OG FACEMASKS SA CAPITOL

Posted: June 8, 2020

862020-6

USA ka New York City-based fashion designer ang midonar og 750 pieces sa facemask ngadto sa kapitolyo probinsiyal sa Misamis Oriental niadtong Martes, Hunyo 2, 2020. Gidawat kini mismo ni Gov. Bambi Emano dayon tunol ngadto kang Provincial Task Force for COVID-19 chief Dr. Jerie Calingasan aron gilayong maggamit sa mga frontliners sa checkpoints ug walo ka Misamis Oriental Provincial Hospital (MOPH).
Labihan ang pasalamat ni Gov. Bambi Emano ug Dr. Calingasan ngadto kang Boogie Musni Rivera, lumad nga Kagay-anon nga karon bisan tuod atua na naka-base sa New York, apan wala malimot sa iyang yutang natawhan nga motabang niining pakigbatok sa coronavirus disease 2019. Lumad nga taga Villanueva, Misamis Oriental, ang mga ginikanan ni Rivera.
Gitunol ni Rivera ang hinabang pinaagi ni Mr. Dennis Almazan.
Saad ni Gov. Emano nga dili nila sayangan ang pagsalig sa fashion designer ug si bisan kinsa nga mo-ayuda sa ilang pakigbatok sa makamatay nga virus. Bisan ginagmay, apan giisip nila kini nga dakung tabang nga maoy hinungdan “zero-confirmed” case pa gihapon ang Misamis Oriental sa makamatay nga sakit.