NEW YORK COUNCIL, MITUNOL 2,200 KA FACEMASK SA MISOR

Posted: May 21, 2020

2152020-16

LAING hinabang na usab ang nalakip sa listahan sa Transparency Donation Board ni Gov. Bambi Emano sa kapitolyo, human usa ka nagpakabanang grupo na usab ang mitunol og hinabang sa kapitolyo niadtong Lunes, Mayo 11, 2020.
Ang Manacay cousins sa pakigtambayayong sa Cagayan-MisOr Association of New York and Philippine Independence Day Council, Inc. (PIDCI) mihatag og 2,200 ka piraso sa facemasks alang sa mga frontliners sa Misamis Oriental nga hangtud karon padayong nakigsangka sa coronavirus disease 2019 dinhi sa lalawigan.
Nagtuo ang nasangpit nga grupo nga dili masayang ang ilang ayudang personal protective equipment (PPE) tungod kay nakasiguro sila nga modangat gayud kini sa angay padulngan ug makatabang sa proteksiyon sa frontliners. Maoy hinungdan kang Gov. Emano ug Provincial Task Force for COVID-19 chairperson Dr. Jerie Calingasan kini gitunol.
Dakung pasalamat ni Gov. Emano ug Dr. Calingasan sa pagsalig ngadto kanila ug misaad nga itunol ang maong mga ayuda sa nagkinahanglan niini.