MALAMPUSONG natigayon ang free medical surgical mission sa Misamis Oriental Provincial Hospital-Initao sulod sa usa ka adlaw sa Mayo 16, 2026. Kini alayon sa tinuig nga free medical surgical mission sa Department of Health-Northern Mindanao Medical Center sa pagpanguna sa Department of Obstetrics and Gynecology. Ang mga serbisyong gitanyag mao ang bloodletting, prenatal check-ups sa mga high risk nga pagburos; cervical cancer screening ug gynecological check-ups; ultrasound sa mga buros; ug, ultrasound lakip operasyon sa dunay myoma, cyst ug bukol sa matres.
Sila si NMMC OB-GYN Chief of Medical Professional Staff Dr. Caroline V. Orimaco ug OIC-Chairman Dr. Cristilda O. Villapañe pulos misugyot og pasalamat sa hugot nga kolaborasyon tali kagamhanang probinsyal. Paabot nila nga mensahe mao ang importansya sa pag-amping sa lawas ug partikular ngadto sa mga kababayen-an nga dili angayng mahadlok apan pangandaman ug dili magduha-duha sa pagduol kanila o mga hospital kung dunay gipangbating sakit sa lawas. Samtang si MOPH Initao Chief of Hospital Dra. Iris Ratunil nanghinaot sa malugwayong health programs labina alang sa labing nanginahanglan. Nunot usab kini sa paghingusog nga padayong makahatag og kalidad nga panerbisyo sa katawhan.
Usa si Teresa Amarga nga lumulupyo sa Brgy. Punta Silum sa Manticao nga naka- benepisyo sa maong programa. Bisan pa man sa kalisod nga giatubang, pasalamat kini sa tabang nga nahatag kanila labina libre ang pagpa- checkup ug sayod kini nga anaa ang balay tambalanan alang sa kanunay nilang kaayohan.
By: Rejiann Ammor R. Maygay/PIO
Hulagway kuha nila: Jezreel Ecuacion & RejiMmor Maygay / PIO
