MIBISITA si National Youth Commission (NYC) Commissioner Asec. Alexa Danielle Dayanghirang kay Governor Peter M. Unabia niaging Agosto 18, 2022 aron hisgutan ang mga programa sa ahensya para sa kabatan-unan.

Gibutyag ni Asec. Dayanghirang ang kamulong paningkamot sa ahensya alang sa Mental Health Awareness Drive pinaagi sa Psychological ug Mental Health Training nga adbokasiya sa opisyal.

Nahisgotan sab sa panagpulong ang 13th National Youth Parliament (NYP) nga ipahigayon sa mga nagkalain laing kluster sa nasud diin giawhag niini ang mga kabatan-unan sa probinsya nga motambong sa regional kluster niini agig preparasyon sa maong kalihokan.

Hugot ang suporta sa kapitolyo ngadto sa NYC isip usa sa mga programa sa gobernador nga nakasentro sa agresibong mga programa para sa Kabatan-onan nga isa sa iyang PAGLAUM Development Agenda.

By: JESSIE A. ANDALLASA/PIO

Photos courtesy: National Youth Commission fb page