‘OPLAN KALUSUGAN’, PAMBATOK SA DEPED SA TEENAGE PREGNANCY

Posted: February 28, 2020

86267762_553543465256676_4626279080348614656_o

USA sa problema nga gisagubang karon sa Department of Education ug Provincial Population Office dinhi sa Misamis Oriental ang padayon nga pagtaas sa kaso sa teenage pregnancy sa kabatan-onan. Karon, aron maaksiyonan, gipakusgan pa ang “Oplan Kalusugan” campaign sa matag tulunghaan.

Sa gipahigayon nga executive meeting sa Local School Board (LSB) nga gipangulohan ni Gobernador Bambi Emano bag-ohay pa lang, gikabutyag ni DepEd Misamis Oriental Schools Division Superintendent Mr. Jonathan dela Pena nga hugot ang ilang pakigbatok sa teenage pregnancy. Mao nga padayon ang ilang pahimangno sa kabatan-onan kalabot sa dautang epekto sa sayong pagkabuntis.

“Naa me gitawag sa DepEd nga ‘OK’ kon Oplan Kalusugan. Usa kini ka component sa reproductive health program. Under ana ang strategies how to eliminate the problem sa teenage pregnancy, kay I’m sure ang teenage pregnancy springs from the illiteracy and ignorance of our children regarding reproductive health. We conduct information drive through our Oplan Kalusugan task force every district,” saysay ni Dela Peña.

Dinhi sa Misamis Oriental, isa si Gobernador Bambi Emano nga kaabag sa pagpakusog sa kampanya batok teenage pregnancy. Gani, nagpatukod kini og mga youth centers sa tibuok lalawigan kung diin mahimong mobisita ang kabatan-onan kon aduna silay problema, susama sa gugma, depresyon ug uban pa.