ORO CHAMBER, MIDONAR OG 20 KAHON SA VITA COCO

Posted: May 21, 2020

2152020-12

HANGTUD karon, padayon pa gihapon midagsang ang hinabang alang sa mga frontliners dinhi sa Misamis Oriental. Sa gihapon, bisan ang Oro Chamber of Commerce and Industry gipaagi ang ilang donasyon kang Gov. Bambi Emano, sa pagtuo nga modangat gayud kini sa padulngan walay kapin, walay kulang.
Nagdonar og 20 ka kahon sa Vita Coco coconut water ang pamunuan sa Oro Chamber aron mas mopiskay ug mobaskog ang panglawas sa mga frontliners, kinsa kada adlaw nakigbatok sa coronavirus disease 2019 sa mga balay tambalanan ug checkpoints.
Si Robertino Pizzaro, ang kasamtangang Presidente sa Oro Chamber, kauban si Oro Chamber immediate past president Ruben Vegafria ug Atty. Antonio Soriano, Governor sa Philippine Red Cross, maoy mitunol sa donasyon ngadto kang Gov. Emano niadtong Sabado, Mayo 2, 2020.
Duyog usab ang A Brown Company sa pagtunol sa maong donasyon.
Mapasalamaton usab si Gov. Emano sa padayon nga paghidangat sa mga hinabang, hilabina admitado kini nga dili niya makaya ang tanan kung siya lamang.