OUTREACH PROGRAM SA MISORCARES SA LAGONGLONG, GIKAIBGAN

Posted: August 6, 2018

38128355_251637325447293_7722541224741044224_o

[et_pb_section admin_label=”section”][et_pb_row admin_label=”row”][et_pb_column type=”4_4″][et_pb_text admin_label=”Text” background_layout=”light” text_orientation=”left” use_border_color=”off” border_color=”#ffffff” border_style=”solid”]

GIKAIBGAN uyamot sa pipila ka mga lungsod sa Misamis Oriental ang gipahigayong outreach program sa Misamis Oriental Care System (MisOrCareS) didto sa lungsod sa Lagonglong ning bag-o.
Nagpusot-pusot pa ang text messages ngadto kang Gobernador Bambi Emano atol sa iyang programa sa radyo. Buot sa mga texters ug commenters nga mahidangat usab ang grupo sa MisOrCareS sa ilang lungsod ug magpagpahigayon sa susamang kalihukan.
Pipila sa serbisyong gipadangat sa MisOrCareS mao ang libreng ibot sa ngipon, tuli, ug uban pang batakang serbisyo.
Apan matud ni Governor Bambi Emano nga sayon ra kaayo niya kini mahimo sa Lagonglong tungod kay walay libog ang ilang mayor nga si Mayor Jap Puertas, kinsa nagasuporta gayud sa mga programa sa amahan sa lalawigan.
Maoy hangyo sa gobernador nga unta sa sunod nga pili-ay, mas maayo nga kauban niya sa partido ang pili-on sa katawhan aron nga sayon lamang sa iyang buhatan pagpadangat sa batakang serbisyo sa matag munisipyo.
Apan gitataw ni Gobernador Bambi nga dili siya pili-an kinsa man ang moduol ug mohangyo kaniya hilabina serbisyong panglawas ug pangkatilingbanon. Importante lamang nga bukas ang kasing-kasing sa mayor sa lungsod nga mopadangat ang iyang grupo ug laing outreach program sa ilang lugar.
Lipay usab ang gobernador nagluwat nga ang pangandoy ni Pres. Rodrigo Duterte nga magtukod ug comprehensive health program sa tibuok nasud, apan diay gihimo na sa lalawigan pinaagi sa MisOrCareS.
Mikabat sa kapin 4,000 ka serbisyong medikal ug pangkatilingbanon ang natunol ngadto’s katawhan sa Lagonglong niadtong tungora.

[/et_pb_text][/et_pb_column][/et_pb_row][/et_pb_section]