P1.4 MILYONES GIGAHIN SA 44TH NUTRITION MONTH CULMINATION ACTIVITY

Posted: August 6, 2018

38122064_252597408684618_8175888659355009024_o

[et_pb_section admin_label=”section”][et_pb_row admin_label=”row”][et_pb_column type=”4_4″][et_pb_text admin_label=”Text” background_layout=”light” text_orientation=”left” use_border_color=”off” border_color=”#ffffff” border_style=”solid”]

Mikabat sa P1.4 milyones ang gigahin nga pundo alang sa pagsilibrar sa ika-44 nga sumad sa Nutrition Month 2018 Culminating and Awarding Ceremonies niadtong Hulyo 27, nga gipahigayon sa hawanan sa kapitolyo.
Ubay-ubay ang pa-contest atol sa silibrasyon. Gani, samtang naghulat-hulat ang mga municipal/city nutrition action officers (M/CNAOs)ug Barangay Nutrition Scholars (BNS), nagpahigayon pa ug pa-raffle sa appliances ug uban pa. Kini, isip pahalipay kanila sa ilang paghago nga mapadangat ang serbisyong tukmang edukasyon ngadto sa katawhan kung hisgotan ang insaktong nutrisyon sa kabataan.
Duna pay gipahigayon nga pag-ila ug paghatag ganti niadtong Outstanding MNAOs ug BNS alang ning tuig; on-the-spot poster making contest (High School students), Nutri-Agri Booth Contest ug Nutri-Quiz.
Sa Nutrition-Quiz naangkon ni Mei G. Pairat gikan sa Lungod sa El Salvador ang 1st place ug nakadawat ug P6,000 cash. Nasungkit ni Maginda V. Bernaldez gikan sa Brgy. Imelda, Villanueva ang 2nd place nga adunay nagtangag nga P4,000; samtang 3rd placer si Marjorie S. Tunday nga taga San Roque, Medina, kinsa nakadawat sa cash prize nga P3,000. Aduna pud 22 ka consolation prizes nga tag-P500.
Sa Nutri-Agro Booth contest, nasungkit sa Claveria-Jasaan-Villanueva-Tagoloan (CLAJAVITA) ang unang pwesto. Adunay P10,000 cash ilang nadawat isip premyo. Second place ang Eastern Towns nga gilangkoban sa Balingasag, Lagonglong, Salay, Binuangan, Sugbongcogon ug Kinoguitan nga nakadawat sa P8,000; samtang 3rd place ang MANLUNA o Manticao-Lugait-Naawan nga nakadawat usab ug P6,000. Pakyas man ang Gingoog Bay Area (GBA) nga gilangkoban sa Balingoan, Talisayan, Medina, Gingoog ug Magsaysay; ug GALILEO kon Gitagum-Alubijid-Laguindingan-Initao-Libertad-El Salvador-Opol, apan pulos sila nakadawat ug tag P3,000 nga consolation prize.
Samtang sa on-the-spot poster making contest, naangkon ni Krista Paula G. Aboc sa Lungsod sa Balingasag ang 1st place nga nagtangag sa premyong P6,000. Ang second placer nga si Kayla Michelle D. Salaan sa Lungsod sa Claveria nakadawat ug P4,000. Ang third placer nga si Flor Angel C. Mácalos sa Binuangan nakadawat ug P3,000 nga premyo. Naghatag usab 22 ka consolation prize nga tag-P500 ngadto sa tanang misalmot sa indigay.
Ubay-ubay usab ang ilang gipanghatag nga premyo sa ilang gipahigayong raffle draw kung diin adunay 3 major prizes nga 2 ka Washing Machine nga nabitbit pauli nila ni Lilian C. Maggot sa Brgy. Calawag, Balingasag; ug Lorna L. Opaon sa Brgy. Poblacion, Lower Lagonglong. Samtang si Ziegred D. Dela Cruz, usa ka MNAO sa Claveria, ang nakadaug sa 24” LED TV.
Laing gipa-raffle usab nga gamit sa panimalay ang gipanghatag, sama sa 4 ka unit sa food blender, 5 ka dish drainer, 8 ka Multi Dispenser with faucet, 3 ka unit sa Rice Dispencer, 5 ka set sa Dining ware, 8 ka whistling kettle, 2 ka unit sa Electric Airpot, 6 ka unit sa Rice cooker, 4 ka unit sa electric stove ug 10 ka unit sa Electric Iron.

[/et_pb_text][/et_pb_column][/et_pb_row][/et_pb_section]