P190 MILLION LAGUINDINGAN AIRPORT EXPANSION, OK NA

Posted: March 16, 2020

88053355_558179071459782_7654753085893378048_o

LAING P190 milyones nga pundo ang nakaykay ni Gobernador Bambi Emano gikan sa kaulohan alang sa pagpalapad sa Laguindingan airport sa lungsod sa Laguindingan, Misamis Oriental, labi na sa terminal building og airport expansion butang nga ikalipay sa katawhan sa lalawigan, apan siguradong ikasakit na usab sa iyang mga kaatbang sa pulitika.

Isip chairman sa committee on infrastructure sa Regional Development Council 10 dinhi sa amihanang Mindanao, si Gobernador Emano nagkanayon dakung kalamboan ang hatud niini sa Misamis Oriental kon diin nahimutang ang domestic airport nga mahimo nang international airport. Laing dugang pundo usab ang nakatakdang itunol ngadto sa Civil Aviation Authority of the Philippines (CAAP) sa umaabot nga tuig alang sa nasangpit nga airport expansion.

Matud ni Misamis Oriental Provincial Information Officer Mr. Carlo Dugaduga, mao kini ang resulta sa katarong ug kaligdong sa pamunuan ni Gobernador Emano, kung diin bisan si DOTr Planning Service Director Felisicimo Pangilinan, Jr., kinsa nakighugot kamot sa gobernador alang sa pagpadaku sa tugpahanan, nagsalig sa kasamtangang pamunuan.

“The bottomline dito, DOTr is very supportive of the effort of LGUs in developing the economic activities here through the airport. Gov., promise po namin we will fast track the processing of this project para naman makinabang yong taong bayan dito sa probinsya ng Misamis Oriental or in Northern Mindanao, because it’s not only in Misamis Oriental ang masisirbisyuhan ng Laguindingan but the whole northern Mindanao industrial corridor. So, that is the purpose why we transferred the airport from Lumbia to Laguindingan para magkaroon ng expansion. So, rest assured that DOTr as headed by Sec. Tugade will do it best effort, madaliin ang lahat kaya makaasa sa amin si Gov.,” ingon pa ni Dir. Pangilinan Jr.

Sa milabay nga tuig 2019, mao pa lang ang paghisgot ni Gobernador Bambi Emano ug Sec. Tugade kalabot na sa pagpalapad sa airport aron mas makaserbisyo pa kini sa modagsang nga pasahero lakip mga turista pasulod ug paggawas dinhi sa Misamis Oriental. Pipila lamang ka bulan, hayan gilayon natubag tungod sa taas nga pagsalig sa nasudnong pamunuan nganhi sa administrasyon ni Gobernador Emano.