P2,500 EDUCATIONAL AID SA IKNB SCHOLARS, GIHATUD HOUSE-TO-HOUSE

Posted: April 23, 2020

93412152_591263808151308_8952471261036937216_n

HUMAN gipaubos sa general community quarantine ang tibuok Misamis Oriental tungod sa hulga sa coronavirus disease 2019 (COVID-19), naghari ang panawagan nga “stay-at-home”. Bisan si Gov. Bambi Emano mao usab ang panawagan. Mao nga gimando niini ang house-to-house distribution sa financial assistance sa mga benepisyaryo sa Iskolar Ko Ni Bambi (IKNB), aron dili na kinahanglan pang manggawas ang mga scholars.

Bisan tuod wala nay klase ug wala na pud nahitabong graduation rites, apan gipang-apod apod gihapon ni Gov. Emano ang P2,500 nga hinabang sa matag magtutungha ilawom sa scholarship program. Matud sa amahan sa lalawigan, maayo na lang ilang magamit ning panahon sa krisis.

Dako ang pasalamat ni Wiley Añasco, sa IKNB-Claveria Chapter, tungod kay wala na kini magtuo nga buligan pa sila og hinabang sa gobernador, hilabina wala pay kasigurohan kanus-a mobalik ang klase ug sa ngalan nga wala nay gipahigayon nga graduation o move up ceremony sa mga tunghaan.

Gikan sa lungsod sa Magsaysay padulong sa lungsod sa Lugait, hatdan sa IKNB og educational assistance ang mga benepisyaryo, depende sa ilang schedule.

Adunay kapin 3,000 ka scholars nga gisuportahan si Gov. Bambi Emano karon lang nga semester. Mokabat na sa dul-an 20,000 ka scholars ang napahuman sa gobernador sukad sa iyang pagpangatungdanan.