DAKO ang kalipay sa 82 ka personahe gikans a Philippine National Police /Armed Forces of the Philippines (PNP/AFP) nga anaa na-destino sa Veterinary Quarantine Stations sa Lungsod sa Lugait ug Magsaysay ning lalawigan human makadawat ug balor P352,000 nga Meal Allowance gikan sa Panggamhanang Lokal sa Misamis Oriental. Kini nga kantidad molangkob sa unang unom ka bulan ning tuig 2022.
Ang ayuda gitunol nilang Gobernador Peter M. Unabia ug Provincial Veterinarian Dr. Benjamin Resma ug pormal nga gidawat ni PMAJ Joel A. Salo nga mao ang Chief of Police sa Lugait Municipal Police Station.
Ang pag-abag sa mga uniformed personnel isip pagsaludo kanila sa pagpatuman sa mga balaudnon aron mabantayan ang matag sulod ug gawas sa tanang agricultural and livestock mihaom sa Unified Efforts for Health and Social Services Delivery ubos sa PAGLAUM development agenda ni Gobernador Unabia.
By: REJIANNAMMOR R. MAYGAY/PIO
HULAGWAY KUHA NI MARVIN GILIG/PIO