P399,500 CASH INCENTIVES, GITUNOL SA CAPITOL RETIREES

Posted: April 23, 2020

94257171_593021791308843_2555893110378856448_o

BATASAN na ni Gov. Bambi Emano ang pagdisiplina niadtong nagbinuang sa ilang pagpangatungdanan. Apan, tradisyon na usab niini ang pagpasidungog, pagpahalipay ug paghatag ganti niadtong nagtarong sa ilang serbisyo sa katawhan. Susama na lang sa mga retirees sa kapitolyo, lakip sila nakadawat og insentibo.

Mikabat sa P339,500 nga cash incentives ang nadawat sa retirees nga nagserbisyo sa kapitolyo. Gihimo ang ceremonial turnover niini atol sa virtual flag-raising ceremony sa kapitolyo niadtong Abril 20, 2019, pinaagi ni Human Resource Management Office head Ms. Jessica Galindo.

Matud ni Ms. Galindo, ilang itunol ang maong kantidad balay-balay aron dili na kinahanglan mogawas pa ang mga retirees hilabina ning delikadong panahon nga hinungdan sa coronavirus disease 2019 (COVID-19). Magsugod sila og pagpangtunol sa retirees nga ania nanimuyo sa dakbayan sa Cagayan de Oro.

Kini nga programa, gitawag ni Gov. Emano og “Salamat sa Serbisyo” alang niadtong retirees sa PPDO, PAGRO, PGO, MISORTEL, PHO, MIS.OR PH INITAO, MIS.OR PH BALINGASAG, MIS.OR PH TALISAYAN, MIS.OR PH CLAVERIA UG SANGUNIANG PANGLALAWIGAN.

Magdepende ang gidak-on sa kantidad nga madawat sa retirees sa gitas-on sa katuigan sa ilang pagserbisyo. Dunay P500 matag tuig ug duna pud P1,000 matag tuig.

Si Ms. Elsie Santos, Administravie Aide IV retiree sa PPDO, mapasalamaton uyamot kang Gov. Emano tungod sa pagpakabana sa amahan sa lalawigan, hilabina kanila nga nagkinahanglan intawon sa ayudang pinansiyal, yawat na lang pangpalit sa ilang maintenance. Nakadawat og P33,000 si Santos