P6.6 MILYONES, GI-APOD APOD SA MISOR BHWs

Posted: June 8, 2020

862020-8

HAPPY all karon ang 3,300 ka Barangay Health Workers gikan sa 23 ka lungsod ug duha ka dakbayan sa entero lalawigan sa Misamis Oriental sa ilang bahin-bahinon nga P6.6 milyones gikan sa panudlanan sa kapitolyo nga gitunol mismo ni Gov. Bambi Emano niadtong Martes, Hunyo 2, 2020, atol sa virtual flag-raising ceremony sa kapitolyo.
Matag health worker dunay P2,000 isip early release sa ilang honorarium aron maggamit sa ilang inadlaw-adlaw nga palitunon. Kini, matud ni Gov. Emano, kabahin sa economic recovery program sa iyang pamunuan nga rekomendado sa Provincial Task Force for COVID-19 sa pagpangulo ni Dr. Jerie Calingasan.
Malipayon kining gidawat sa 3,300 BHWs pinaagi ni Ms. Vivian Almonisid, ang BHW municipal president sa lungsod sa Jasaan. Matud niini nga daku kaayo kini og tabang kanila ning panahon sa krisis.
“Daku kaayo among pag pasalamat sa among pinalanga og amahan diin nadawat na namo ang among honorarium ning panahona. Daku na kini nga tabang alang kanamo nga mga boluntaryo isip frontliners sa nagkadaiyang munisipyo sa lalawigan sa Misamis Oriental. Daghan kaayong salamat, Gov sa tanan suporta nga among nadawat,” sulti pa ni Ms. Almonisid.