Pag-bisita sa Miss Universe 2010 (4th Runner Up) Ms. Maria Venus Raj

Posted: July 18, 2019

67273630_409336816344009_4419912584744927232_o

Pag-bisita sa Miss Universe 2010 (4th Runner Up) ug ang Ambassadress sa #NotAlone- Ms. Maria Venus Raj

Kalipay sa lalawigan sa Misamis Oriental ang maabi-abi sa personal si Ms. Maria Venus Raj, ang nahimong Miss Universe 2010 (4th Runner Up) ug ang kasamtangang Ambassadress sa programang #NotAlone.
Mibisita siya karong hapona sa Provincial Governor’s Office kung asa mismo si Gob. Bambi Emano ang nakighinabi kaniya kauban usab si Ma’am Allyn Auxtero-Peñalosa isip Provincial Youth Officer ug si Board Member Kerwin Soldevilla.
Mianhi si Ms. Raj kauban ang iyang team sa katuyuan nilang ma-present ang ilang programa nga #NotAlone kung asa plano nilang magpahigayon ug mga seminar alang sa mga Grade 8 students, lakip na usab mga magtutudlo ug ginikanan.
Ang hisgutanan niini mo-sentro mahitungod sa relasyon, bullying, depression, suicide, early teen pregnancy ug lain pang uban nga pulos komon nga mga problema karong panahona.
Tungod niini, nangayo sila kay Gob. Bambi Emano ug Endorsement para sa DepEd-MisOr ug approval nga maka-conduct na gilayon sila sa mga seminars ngadto sa mga nagkalain-laing eskwelahan.
Ug sa walay pagduha-duha, aprobado na kaayo ni Gob. Bambi Emano ang maong plano ug subli pa niya nga andam mutabang ang lokal nga pangagamhanan kon ugaling unsa pa ang ilang mga kinahanglanon.