PAG-INSPEKSYON SA MGA SUPLAY NGA KARNE MAS GIPALIG-ON SA PROVET

Posted: August 25, 2021

234803152_914503469160672_6325509954940937918_n

ANG probinsya lamang sa Misamis Oriental pinaagi sa buhatan sa Provincial Veterinary Office ang kanunay nga gapahigayon og pag-inspeksyon sa mga suplay sa karne sa tibouk Rehiyon 10.

Mas gipataas ug gipalambo sa administrasyon ni Gobernador Bambi Emano ang maong programa aron mas maproteksyunan ang mga konsumante sa lalawiga ug masiguro nga ang karne sa mga kahayupan, sustansyado ug limpyo.

Ang mga pag-eksamin sa Antemortem padayon usab nga gihimo sa dili ihawon aron makita kung aduna bay mga sakit sa hayop, ug kung makitaan nga adunay sakit ang mga hayop awtomatiko nga i-kondena sa inspektor ug sa dili madugay magsunod ang pag-eksamin nga gitawag og post-mortem aron masiguro nga ang karne nga gihatag sa probinsya tinuod nga luwas gikan sa mga dressing plants ug slaughterhouses sa tibuok Misamis Oriental.

Adunay dressing plant nga nahimutang sa Tagoloan, Villanueva, Salay ug siyudad sa El Salvador kon diin ang ilang giproseso mao ang mga manok samtang ang mga slaughterhouses ga-proseso sa karne sa baboy nga anaa sab diha sa lungsod sa Tagoloan.
Gikan sa Enero 2021 hangtod sa Hunyo 2021, ang kinatibuk-ang kantidad nga kita nga nakuha gikan sa mga planta mokabat na sa P6,698,746.44 nga maoy usa sa mga kasaligan nga makuhaan sa kita sa lalawigan sa Misamis Oriental.

Gumikan sa kamandoan ni Gobernador Bambi nga susihon og maayo ang mga gipang-ihaw nga mga karne sa lalawigan nga kanunay maoy gabuhaton sa buhatan sa PROVET siguradong luwas ang mga gikonsumo karon sa mga konsumante sa Misamis Oriental ingon man sa mga kasikbit nga lugar nga maabtan og suplay.