MALAMPUSONG gipahigayon ang Kuyamis Festival Market Ribbon Cutting isip kabahin sa pagsaulog sa 13TH KUYAMIS FESTIVAL sa lalawigan. Ang Kuyamis Festival Market gilangkuban sa kwarenta (40) ka mga vendors nga nagpakita ug nagbaligya sa nagkadaiyang lokal nga produkto ug pagkaon sa probinsya.

Usa sa tumong sa kalihokan maong ang pagdasig sa lokal nga panginabuhian, pagpasiugda sa turismo ug paghatag dugang oportunidad hilabi na sa panahon sa festival. Gibuksan ang maong kalihokan sa pagpanguna ni Governor Juliette Uy, Board Member Princess Emano, Mga Mayores, Partner Agencies nga nagpakita sa ilang dakong suporta sa pagpalig-on sa lokal nga ekonomiya.

Pinaagi sa Festival Market gihatagan og luna ang gagmayng negosyante aron mapalapdan ang ilang kita ug mapaila ang kalidad sa lokal nga produkto sa mga bisita og mamalitay. Sa pagpadayon sa Kuyamis Festival , ang Festival Market magpabiling abri alang sa publiko ug mag-alagad isip sentro sa panaghiusa ug suporta sa lokal nga produkto nga nagpakita sa tinuod nga espiritu sa Kuyamis Festival.

By: Ellen Mae Lahinao/PIO

Hulagway kuha ni: Marvin Gilig/PIO