DUNA na’y napili nga mga bag-ong opisyales sa Misor Sports Federation atol sa gipahigayong eleksyon atol sa Misamis Oriental Development Council Meeting kauban ang mga Sports Coordinator sa probinsya niadtong miaging semana.

Ang mga opisyales sa nasangpit nga pederasyon mao ang musunod:

President: Hon. Jannus Ray Estor (Jasaan)
Vice President: Mr. Tedd Julius Javier (Gingoog City)
Treasurer: Mr. Jegs Estroga (Talisayan)
Secretary: Mr. Sofio Don Pepito (Claveria)
Public Relations Officer: Mr. Keith Jagus (Libertad)
Auditor: Mr. Herman Balabat (Initao)
Board of Directors:
1. Mr. Richard Vidal (Tagoloan)
2. Mr. Roy Paguidopon (Villanueva)
3. Mr. Peter G. Rances (Lagonglong)

Malipayon nga gibutyag ni Misor Sports Federation President Hon. Jannus Ray Estor ang iyang dakong pasalamat sa maong kahigayonan nga mahimong magdumala sa pederasyon.

“It’s a privilege nga nahimo kong presidente niini sa tanang liga sa [Municipal] Sports Coordinator sa whole Misamis Oriental. Grabe kaayo akong [kalipay] ani nga council kay passion pod nako ang sports kay mahiligon man kaayo ta sa sports. Gusto gyud kaayo ko makatabang nga maka-develop ta dili lang sa amo sa lungsod sa Jasaan kondili sa kinatibuk-an sa Misamis Oriental,”matud ni Vice Mayor Estor.

Tumong ni Gobernador Peter M. Unabia sa pagmugna og mga asosasyon sama niini aron nga daling mapatuman ang mga programa kalabot sa sports ingon man sa pagtabang nga pabiling himsog ang mga kabatan-unan.

By: JANE SALIMBAO/PIO

HULAGWAY KUHA NI CHARM ANDY PACAMALAN/PIO