PAGPROSESO SA EDUCATIONAL ASSISTANCE SA IKNB LAKIP SA APEKTADO

Posted: July 8, 2020

872020-2

GUMIKAN sa pagpakanaog sa Temporary Restraining Order (TRO) gikan sa korte pagpugong sa implementasyon sa 2020 annual budget maoy rason nga temporaryong nahunong ang mga batakang serbisyo sa Kapitolyo Probinsyal alang sa katawhan ug lakip nga naapektohan ang Iskolar ko ni Bambi (IKNB) Program.
Matud ni Jaira Lou Silos, IKNB Head, nga apektado ang pagproseso sa educational assistance alang sa mga benepisaryo niini.
“Yes, affected jud ta, affected ang programa ni Gov. sa edukasyon kay ang main nga output sa scholarship program ni Gov. Bambi nga IKNB is to extend educational assistance sa iyang beneficiaries so with this TRO, stop sa jud ang processing. Naa tay gipang process na educational assistance, gi uli sa amoa ang papel (ang payroll) kay di pa ma process. So makita jud nato nga affected jud ang programa ni Gov. sa edukasyon, apektado ang pag process sa educational assistance sa mga bata.”
Gipasabot sab niini igo lamang nila gidawat ang mga requirement sa mga benepisaryo ug gipasabot sa sitwasyon mahitungod sa kasamtangang giatubang sa Kapitolyo Probinsyal.
“Sa pagdawat namo sa requirements, amo gyud dayun silang gipasabot nga amo ning dawaton pero di pami kabalo unsay mahitabo after July 19 kay sa pagka-karon under TRO ang budget sa kapitolyo and gladly, sila pud gisabot ra pud sila.”
Sa molabat 27 ka mga chapters, 9 pa lamang niini ang hapit nang ma kompleto sa renewal process ug bahin sa pagdawat sa mga aplikante, mahimo ra nilang makita kung pila ka mga bag-ong iskolar ang posibleng dawaton human makumpleto ang renewal process.